家居活動介紹- DIY 彩虹魚 (Age: 18months+) 材料: - 圓形化妝棉 - 硬卡紙 - 水 - Snow Color / Food Coloring 小朋友通常都好鐘意玩同水有關嘅家居活動,就咁溝下顏色水都可以玩好耐 所以今次整左個用顏色水玩嘅art and craft 俾佢地試吓~ 尤其細佬呢排好鐘意Nemo 家長準備功夫又唔會太難,夜晚訓前快快手準備,俾小朋友第二日玩 準備步驟: 1. 買一張大嘅硬卡紙 (如果屋企有大大張厚膠墊仲好,直接係上面整) 2. 係另一張顔色紙上面畫同剪出魚頭,尾同鰭 3. 係大硬卡紙上貼上膠紙( 封箱膠紙),防止水整濕硬卡紙 4. 然後將已剪好嘅頭,尾同鰭貼上硬卡紙 5. 最後將棉花用雙面膠紙貼上魚身 顏料通常好多溝左水未必會溶哂,所以可以選擇用Snow Color 或者係Food coloring。我地今次都係用Snow Color 溝水整,d色都好出好靚 呢個art and craft 除左好玩之外,唧顏色水嘅時候都可以俾小朋友練習下控制手力,唔好唧過多水係棉花上面。尤其係年紀較細2-3歲嘅小朋友